泰國人海南雞 (杏花新城)

營業中

休息中

杏花商場嘅食店黎黎去去都係嗰啲，依間餐廳平時黎講唔算多人，就算係疫情之前都唔會坐滿。近排嘅情況就更加少啦，不過我覺得佢啲下午茶都算平，又唔洗加一，全部餐都係$40-45左右，所以間唔中都會揀黎依度食。我今次叫左海南雞飯，個餐送一罐汽水，如果轉其他野飲就要再加錢。海南雞正正常常都算滑，不過我覺得要點埋醬先夠惹味(而且啲醬唔會辣，唔食辣嘅人都岩)，油飯食落香口，粒粒分明，同埋佢啲飯都頗多，好似午餐分量咁，個餐仲會附埋碗湯，食完之後好飽。依個價錢有咁嘅分量我覺得真係幾抵食，所以我通常黎依度都會食下午茶唔食lunch set。不過唯一有樣野係黎過幾次，都遇到侍應落錯單嘅情況，所以點完餐之後記得要check下佢俾嗰張單。