享樂烘焙

營業中

休息中

周末去朋友屋企玩，所以帶埋啲嘢食上去當下午茶。買之前向身邊食過嘅朋友打聽過，佢大推宇治抹茶蜜瓜包同埋摩卡奶酒流心蜜瓜包！而另一位朋友就想試下大熱嘅開心果脆脆酥！果然無令人失望！開心果脆脆酥一如其名，上面充滿着好多開心果仁碎，口感豐富之餘，亦令個酥更香口！ 鍾意開心果嘅朋友食完應該會幾開心😆蜜瓜包都同樣出色，外面層「蜜瓜皮」脆脆的，而裡面唔會焗到太乾太韌，整體亦唔會過甜。宇治抹茶比重啱啱好，唔會有苦澀味，非常恰到好處。至於摩卡奶酒流心包，我哋食個陣無翻熱，所以睇唔到流心效果，不過佢嘅外層有咖啡味，入面嘅cream 嘅酒味幾香。