巷仔見麵館 (已結業)

15:00先lunch，之前試過下午茶，食個細蓉加混醬腸粉唔夠飽，今次就試下食個正餐，3色雲吞麵，hkd$43仲送個小食藍。本身呢度既細蓉，雲吞唔大粒，不過食落好香，蝦肉又爽彈，而麵質比雲吞出色，真係滑得黎彈牙既。而今次佢3色個味，我冇睇meun唔知正確係咩3色，不過我食到嘅分別係黑椒花椒/白菜/芥辣咁既味，聽落怪怪，其實係ok嘅。麵既3色，我除左食得出菜麵，其餘2款，我又食唔出有咩分別。小食盒內容係黑芝麻煎堆，紅豆煎堆，燒賣2粒，春卷2條。唔逐一講，係好食既。總括黎講，一個餐已經夠飽。由於上次陰影，令我再叫多個hkd$12混醬腸粉。最後飽到上心口。