泰亭 (已結業)

平時好少去荷里活廣場覓食，星期日下午行過見好多間餐廳門口都好多人等位，反而呢間泰國餐廳可以直接安排入座，望餐牌見價錢唔算貴，一於就呢間。海南雞飯 $68 有成十件無骨雞，而且肉質幾嫩滑。黃油飯幾大碗都唔錯，仲有埋碗冬瓜湯，雖然感覺有啲味精，但成個套餐都算抵。跟餐另外有小食及飲品，一件炸蝦餅無咩特別；當日特飲係咩柚子特飲，幾甜幾難飲下…本身對餐廳感覺都唔錯，但食完碟飯，第二個餐都仲未上，結果追單兩次先有，好彩呢碟泰式肉片炒河 $68都算有驚喜。因為呢碟唔係平時食開果種條狀河粉，而係一塊塊粉皮咁，炒到每塊都有上色，唔會痴住一叠，味道唔會好鹹，亦唔會好油，不過肉片就有啲老。