星宴中餐廳 (已結業)

今日來到W hotel星宴食下午茶點心放題 ，首先環境舒適，冇逼夾夾的感覺。點心放題供應任食22款點心，我哋試咗20款，其中必食推介有3樣，灌湯餃，是日燉湯，鮮蝦春卷絕對好食，灌湯餃裏有好大隻嘅帶子同埋蟹肉，我忍唔住食咗兩碗，是日燉湯係昆布海草大山地湯，好喝唔口乾，鮮蝦春卷隻蝦超大，正。另外酒店質素推介， 蝦餃，燒賣，黑松露餃，叉燒包和芝麻糊。個人認為燒賣最好食。其他款式就係酒樓質素，全部食物勝在夠熱，如果話比較普通嘅就有炒米粉和炒腸粉。其餘還有糯米雞同南瓜蒸排骨就冇點到，因為依餐食完都已經唔使食晚飯。以2個人五佰蚊，我認為喺呢度性價比高。平時唔好飲湯的我，今次勁鐘意是日燉湯，還有灌湯餃。謝謝。