孖寶小廚

營業中

休息中

行開筲箕灣就去東大街搵嘢食，都係想食雞髀薯條之類，就walk in去咗呢間茶餐廳，因為深信茶餐廳d薯條好食d！一份當然叫雞髀薯條+凍鴛鴦，睇到餐牌有魚柳包（兒時在茶餐廳食好好味），另一份就叫魚柳包+凍奶茶。炸雞脾有點深色但去皮後d肉都軟d，凍鴛鴦咖啡味比較濃唔錯。魚柳包個包係脆豬包，個汁似係碎蛋沙律醬，魚柳就比想像中細咗d，魚柳邊炸得燶咗d但好脆，因有期望，魚柳唔厚，個包硬皮，醬汁似係碎蛋三文治d醬，整體同兒時食d唔同，魚柳包平平，但攞番d分數就係薯條最正，熱辣辣加茄汁，勾起兒時的味道。凍奶茶都唔錯。眼見有兩枱客叫菠蘿油，可能唔錯。地方算乾淨。