加東 (德福廣場) (已結業)

朋友介紹我嚟呢間餐廳，話下午茶餐幾抵食～入到餐廳已經聞到東南亞嘅味道，搞到我望Menu時款款都想叫🤤最後叫咗冬蔭功特色湯粉，分別配燒豬頸肉同香茅豬扒，麵分別叫咗河粉同埋金邊粉；啲粉麵一上檯時就十分驚喜，見到好大碗同埋好大碟，雖然只係下午茶，但一啲都唔欺場！而我會用"惹味，夠濃，足料＂形容佢哋嘅冬蔭功，個湯好有椰香啲紅油又辣辣地，配料有秀珍菇，然後啲粉麵唔會煮得太淋，好滑又唔斷，同個湯好夾。飲品就係薏米水同龍眼茶，特別推介薏米水，米水濃稠，薏米軟稔，果然係真材實料！