101肉燥飯專門店 (西洋菜南街) (已結業)

今日太忙唔夠時間落街食，叫左外賣自取，其實前日都食過一次，覺得幾唔錯，今日再食多次。今日叫既都係同上一次一樣，不過外賣加多一蚊姐。今日叫左個玉子豆腐肉燥飯，$32連野飲算係幾抵又飽肚。有3件玉子豆腐炸左幾香口，而肉燥量多又惹味拌飯食真心食得晒d飯，仲有少少伴菜咁。重點我特登拎埋呢個招牌辣椒油，好香架～本身辣椒油有少少咸味，加埋d肉燥一齊食好夾。🤤🤤如果唔係外賣我應該會再加多d添😬😬連埋杯野飲，呢個價錢算係咁～不過飲品就一般般，少甜都覺得甜得濟😅但我本身唔太好甜既。覺得一個餐呢個價錢，質素真係算唔錯，應該會間唔中食下🤗不過上次堂食，服務員們成日掛住傾計，呢樣覺得需要改善下喇。