貳號冰室 (已結業)

今日 2:00pm 去柴灣開會，好快開完，無食午餐，有D 肚餓，search open rice, 搵下邊度有下午茶，搵到有間係附近，貳號冰室，見到食評都唔錯，一於試下啦！呢度係柴灣工廠邨改建既華廈邨，有好多間新開既食肆 ！呢間裝修都好新，典型茶餐廳格局，無咩特別。見食評話炒牛河好食，就試下啦，午市 $60, 下午茶就 $48 連飲品。我問侍應可唔可以少河粉 ？阿姐姐話都係咁多錢哦，要問下可唔可以少河粉哦！我話唔緊要，怕食唔嗮，唔想浪費食物！阿姐姐話：食唔嗮米算囉！語氣都算係友善既，嘻！炒河粉來到，先知道原來係迷你版！我無叫辣椒醬，但隨河粉附送，哈！味道唔錯既，無加辣椒醬都幾好食！但下午茶餐迷你河粉連熱飲，以一般茶餐廳來講，$48 都唔算平 ！整體 OK 啦！