Riso Café (已結業)

行行下街百厭仔喊肚餓要食嘢喎, (其實佢貪得意想坐又高又會轉嘅吧櫈) 望下17:45仲有TEA SET喎, 廿四孝嘅父母就滿足一下百厭仔嘅慾望坐低食TEA喇.叫咗 夏威夷PIZZA $34.00 --PIZZA都幾足料, 批底夠脆, 好味! 蒜蓉包+焗薯角+芝士茄蓉意大利飯 $34.00--蒜蓉包充滿蒜香又夠脆, 正! 焗薯角都唔錯, 意大利飯嘅飯粒煙煙韌韌, 食落又唔"立", 好味! 另外叫一客南瓜湯 $16.00-- 有濃郁南瓜甜味, 又夠CREAMY, 正! (餐飲) 玫瑰花蜜茶--蜜茶滲出淡淡玫瑰花香味, 唔錯! (餐飲) 柚子蜜--OK唔太甜.埋單$84.00