都會坊餐廳

營業中

休息中

兩點幾同朋友喺旺角搵嘢食，本來諗住搵返以前食過嘅一間米線，點知冇咗嘅？明明記得喺呢度…咁見到呢間餐廳睇落都唔差，我哋只係想坐得舒服啲，唔鍾意坐硬嘅櫈。有軟座嘅卡位坐，一人叫咗一個下午茶餐。我呢個係炸菜肉絲煎蛋湯米粉。估唔到又幾好味喎！個湯唔係普通食米粉嗰種，有啲似魚湯？總之好好味，我成碗飲哂咁滯！唔怪之得寫明湯米粉啦！餸都唔錯，係肉絲唔知點解要整到有啲辣！黑椒果種。唔係咁喜歡。朋友果個佢都話幾好。服務方面亦都唔錯，有禮貌亦主動幫人，即係我想去洗手間，侍應見我行出嚟都主動地指俾我睇，善意兼且面帶笑容。