炙・宴 (V City)

營業中

休息中

依家平日下午時段都有供應下午茶餐，嗰日就同屋企人去咗食。我地就叫左一個生薑燒豚肉丼同埋一個照燒雞扒丼，再送兩杯飲品。生薑燒豚肉丼燒豚肉幾好食，幾香醬汁又夠多，好適合送飯。但係賣相同味道就普通咗啲，冇乜特別。照燒雞扒丼照燒雞扒整得幾好食，雞肉幾嫩多汁，雞皮燒到有微微嘅焦香。感覺上比生薑燒豚肉當好食。兩個嘅份量都唔算細，但食落冇乜特別，同平時去嗰啲大集團嗰啲丼飯差唔多。想食同類型嘅嘢食，可以有更多平價嘅選擇。