新斗記 (已結業)

一放假就瞓到昏迷咁，擘大眼已經係一兩點嘅事，呢一日阿媽話想飲茶喎，咁就即刻起身換衫去市中心啦，印象中好似係一點半開始派飛，兩點鐘入座嘅，我哋第一輪入到，都坐得幾舒服嘅，因為新斗記係唔會搭枱，兩個人都會係坐四人枱，呢個都係我哋會再嚟嘅原因，因為有時食野，要望住對面兩個人食係有啲尷尬，特別係對方食相唔係咁好嘅時候。。每次來我都一定會叫呢個燒鵝瀨，食唔食到鵝脾就睇彩數嘅，重點係佢個皮好香，入口唔會係一啖油咁大把，佢仲好甘香。