雞爺海南雞

營業中

休息中

食到悶死香港仔。突然來了一個爺。不賣叉燒不賣鵝。海南雞飯最耍家。飯如小山份量足。擺盤美麗似朵花。雞鮮肉嫰入口滑。不是老柴考門牙。層皮唔食都讚下。顏色黃澄似城巴。人人忽略一碟醬。此店留心要大誇。帶酸微辣好好味。誠乃味覺嘉年華。招牌雞隻確係正。其實撈檬都唔差。九成滿座下午茶。價錢實惠請阿媽。可惜冷氣唔多夠。人齊時段有點怕。檸茶冰塊比較少。幾分鐘後變暖茶。冷飲飲筒是紙造。時間一長便糊化。飲來飲去飲唔到。一杯檸茶把幾火。款式有限少選擇。專心造雞無其他。客服勤快有笑容。有碗話碗非亂車。容易執笠香港仔。望你運氣好一些。