敏華冰廳 (Mikiki)

營業中

休息中

平日返早更無得食午餐，要留番放工先有得食。放工得來已經係下午茶時段。呢日我就去左文華食茶餐。我叫左蛋撻，一個$7，兩個$13。我覺得兩個抵食d，一個平均$6.5。蛋撻熱騰騰，撻皮又酥脆，食兩個先頂到口癮。個餡蛋味濃郁，口感實在。返工咁辛苦，就咁食蛋撻當然唔夠飽啦！我仲叫左「榨菜肉絲雞翼公仔麵」。完全諗都無諗過茶餐廳既公仔麵會咁好食🤤，麵質彈牙，湯底又香又惹味。另一個驚喜係雞翼係超級好味，半煎炸的，唔單止非常香口，而且皮脆肉嫩，內裏仲有肉汁流出來，一試難忘。