SML (已結業)

睇完樓, 夜晚先同屋企人食飯。見有時間, 諗住去睇戲, 點知時間方面一套都唔岩, 咁就搵間輕輕鬆鬆可以食下野又坐耐啲既地方。第一次食呢間, 女友叫左個暖蜜棗布丁同香蕉雪糕, 而我就叫左個燒吞拿魚扒, 吸收下蛋白質麻!!!!女友果個細細份, 慢慢食, 佢食完就話甜過頭!我就食得仲慢, 有2大塊吞拿魚扒, 同3粒車厘茄同埋大量洋蔥。扒我就切開好多細塊慢慢食, 肉質結實, 爽嫰, 似5, 6成熟度啦！都好味既, 食左2大塊, 都有5成飽啦！之後, 女友再叫多杯 skimmed milk latte, 都好飲既!咁我地中途有叫侍應寫野呀，埋單呀等, 都俾我地感覺好似扮睇唔到, 笑容又唔係話多。唔知係咪壓力大定無得放星期日啦，總之我覺得可以自娛娛人既!!!坐係高枱果度, 環境舒服又無乜壓迫感!