周記點心

營業中

休息中

下午茶時段，經過見竟然唔洗等位，就梗係入去試下朋友介紹咗好耐嘅餐廳啦。必點嘅係芝麻蝦多士同埋奶黃流沙西多士芝麻蝦多士:底部係一塊多士，中間夾住層蝦膠，面佈滿芝麻。多士炸到好脆，一啲油嘅感覺都無，如果塊多士再厚多少少，我覺得會仲好食XD。蝦膠好足料，好似有成尺厚咁，啖啖蝦肉，好有咬口。反而我唔太鐘意芝麻，覺得有少少吸油，食完覺得油同溢嘅感覺。奶黃流沙西多士，見到個樣已經勁吸睛。多士炸到金黃色，中間突起，都估計到收埋咗好多奶黃係入面，切落去，爆奶黃，勁流沙。味道好香嘅蛋黃同奶黃味，咸咸地，同傳統嘅西多士好大分別，好食還好食，不過我都係鐘意傳統糖漿西多士多啲。但都值得一試。2個人食，有啲溜。鴛鴦燒賣(黑松露/蟹籽):勁足料，好紮實，啖啖肉。面頭有少少黑松露，食落口都好有黑松露香。陳皮牛肉球:無咩特別驚喜，陳皮味唔覺有。馬拉糕:有少少黑糖味，但唔會太甜，10蚊我覺得算抵食。2個人，叫咗5樣野食，食完好飽。整體黎講野食好食，值得一試。