茶茶居 (已結業)

剛14:00左右到，店內若有7成食客吧。點好菜後，若等了不夠5分鐘，食物便上枱。最先來的是蛋撻。一上枱已只是微暖，幸好未至於蛋已離皮。皮很鬆化，蛋亦滑，不太甜。但可惜唔夠蛋香。剛食完蛋撻，餘下的食物便在1分鐘內陸續送來。下午茶餐--南瓜芋頭糙米飯 + 灼芥蘭芋頭：份量很多，但一點都唔粉，亦無乜芋頭味；南瓜：幸好，南瓜甜美；粟米：份量很多，但食唔到有粟米香甜爽口；糙米飯：硬度適中，無乜特別。雖然是煲仔上，但端來時只是少許微温灼芥蘭：芥蘭唔老亦唔苦，夠爽口，不過葉的部分就無奉上的，同埋上枱時已是凍的。下午茶餐--章魚肉餅飯 + 灼芥蘭章魚肉餅：完全發現唔到有章魚粒，可能切到碎到我發現唔到啩？亦一丁點章魚味都食唔到出來。同樣地，雖然煲仔上，但一點也不熱。終於有樣嘢上枱時算是熱。皮唔算好薄，不過不失。內饀溶到都唔知有啲乜！？只見有少許冬菇，豬肉粒...其餘就無能為力去辨別連蒸的腸粉，上枱時都只是和暖皮很薄，但唔算好滑。豬潤味一點也不濃，且是切碎哂的當然又係唔熱啦。外皮脆，但算厚身，唔鬆化。內饀又係睇唔出有啲乜，一pat pat咁，仲要食落都幾鹹。