金龍餐廳 (已結業)

好耐冇食過炸脾沙律，以前做sales 日日都蛇去附近茶仔嘆下午茶，自從轉咗工之後就冇呢支歌仔唱lu~~今日終於忍唔住要嘆返個tea~雞脾雖然係冰鮮雞，勝在即叫即炸熱辣辣，要等成10幾分鐘㗎!size 屬正常，外皮酥脆唔太油腻，但可惜入面d雞肉炸得太乾，可能因為隻雞脾太瘦!有少少𡁻柴feel~沙律用咗新鮮嘅甘筍、薯仔、青瓜同罐頭雜果(有椰果果種)。記得好多年前都喺呢度食過，個沙律同樣係呢幾種材料做，都幾欣賞餐廳堅持用新鮮材料!凍檸茶，正常味道。