甘饕 (已結業)

平時去開隔離敏華食叉燒飯，多次路過甘饕都冇意欲行入去用餐，見今日蘋果日報介紹，心思思去試吓燒鵝飯，下午茶時段，一個燒鵝飯茶餐都成$50比其哥貴$10。入到去只係得3枱客，侍應姐姐話隨便坐，坐低後又叫你起身坐過隔離枱同人搭枱，已經有啲冇隱，咁你起初就唔好叫人隨便坐啦！梗係叫返個燒鵝飯食，碗飯嚟到好靚，點知睇真啲5嚿燒鵝有3嚿得層皮同肥膏，真係有啲搵笨。由滿懷期待去試，直至見到碗野真係好冇隠，話之你好唔好味，都唔想再去，冇下次！