八月小品 (已結業)

呢兩個星期公司都鼓勵大家 Home Office，不過間中 小秘書 都會返吓公司，處理吓啲文件再返屋企靜修。呢日襯星期六，就叫埋爸爸、媽媽 出嚟飲個 下午茶☕️ 聚吓天輪。因為唔想佢哋行太遠，就揀咗最近車站 嘅 八月小品。以前一向人頭湧湧 嘅下午茶時段，呢日人流比較浠疏，唔使排隊就可以直接入座🥳原來呢度嘅食物都幾優惠，$50就可以叫一個 蒸飯 + 兩款 點心，不過就當然唔係樣樣都啱食，唯有叫啲正價嘅點心 嚟互補😉 媽媽就最鍾意食佢哋嘅綿花雞，我都覺得口味唔差😋 不過 小秘書 我就當然一定會叫 鮮竹卷，貪佢大大件夠飽肚，仲有排骨蒸飯 都做得唔差，肉汁 同 豉油 混埋落 蒸飯，好香口呀😋開放式嘅廚房，似乎更有效率，連埋單都係自助式，啱晒我哋呢班趕時間嘅食客💪🏻