西貢松記車仔麵

營業中

休息中

今日入西貢打算去沙灘，去之前先醫肚，之前成日經過好多次松記車仔麵也未幫襯過，因為都多人排，今日不用排，於是入去試吓，職員起勢叫我哋打對面坐，但我話濕喎啲櫈，唔知係人倒瀉啲水定人哋啲汗嚟😅，個阿姐去拎紙巾俾我抹，落order時，本身想食伊面，佢話無，咁河粉，又無，可能疫情關係入少了貨，最後叫了烏冬，餸就叫了煎釀三寶、炸黃金墨魚卷、蘿蔔、魚蛋、煎蛋及另外叫碗紫菜湯，本身煎釀三寶佢全部俾了茄子🍆，但都係得兩舊，問佢原來俾少一舊，要了青椒，茄子幾好味，好淋，另外個墨魚卷也特別，蘿蔔就唔夠淋身，有啲＂渣＂，其他餸就普普通通，無咩特別.