稻香超級漁港 (南豐廣場) (已結業)

今次試下稻香超級漁港， 位於將軍澳坑口培成路8號南豐廣場1樓R3號舖。 兩點鐘下午茶時段， 店員準時安排客人入座。 酒樓環境光猛， 每一張枱都有自動水機， 本身是幾方便的， 但可惜我部自動水機好似壞壞地😅， 一時有水一時冇水。 QR code落單📲，臘腸蒸蘿蔔糕$23、 陳皮牛肉腸$23、 臘味糯米飯$13.8、 香麻叉燒酥$20、 稻香蝦餃皇$29、 養顏芝麻糊$17。 📌臘腸蒸蘿蔔糕 ～ 蘿蔔味道甜美， 都幾好食。 📌陳皮牛肉腸 ～ 沒有陳皮味， 牛肉好散。 📌臘味糯米飯 ～ 溫度凍冰冰， 糯米飯的口感太硬。 📌香麻叉燒酥 ～ 一碟有三件，酥香美味。 📌稻香蝦餃皇 ～ 皮偏厚， 蝦肉爽彈。 📌養顏芝麻糊 ～ 芝麻糊太稀了， 是不是溝了水？ 整體食物質素普通， 下午茶兩個人六碟點心大約$98，價錢貼地☺️。