金牌麵家 (已結業)

4月6日, 朝早喺將軍澳拜完山, 本身行咗去Popcorn潮下聖, 點知周圍餐廳都人頭湧湧, 唯有行遠d喺附近閒逛~ 時值下午茶, 個口又開始痕, 於是就喺個商場foodcourt求其搵d野食下~::: 腸粉 ::: $6腸粉唔夠熱, 質地煙韌但唔夠滑, 當然唔可以同合益泰嗰d神級滑滑腸粉比啦! 不過呢度都有個自助醬料站, 可以滿足下我地嘅混醬癮~ 不過混還混, d甜醬豉油都ok, 麻醬就好稀… 味道一般般~::: 炸春卷 ::: $10估唔到有5條咁多, 雖然都只係嗰d急凍貨, 但係即叫即炸, 熱辣辣咁, 都起碼唔係炸定擺喺度, 外皮既熱亦都好夠脆, 裏面嗰d料就只係蘿蔔絲冬菇絲, 好似冇乜肉.其實呢個foodcourt都幾多唔同野食, 泰越西中都有唔少選擇~ 如果唔係喺下午茶呢d唔上唔落時間搵食, 而呢道又有d腸粉春卷等街頭小食的話基本上唔會輪到要食佢…