天丼 (已搬遷) 新店位置

今日終於約到朋友中午時段去食呢間，日日返工放假都見到大排長龍🙈，於是我襯自己放假一早出去攞位先，試吓呢間咁出名嘅店。平日去到都要排左20分鐘到，入到去見Menu果然冇令我失望，價錢性價比高同嘢食都好大份，最後我哋叫咗個天婦羅蕎麥麵湯，天婦羅入邊有大蝦兩隻，茄子，仲有帶子，如果自己覺得唔夠食嘅話仲可以用加購價換其他海鮮天婦羅🍤，個蕎麥麵連湯係好好味好滑身，蕎麥麵本身對身體都好好，嘢飲我哋就飲咗佢提供俾我哋嘅免費茶，職員嘅服務態度都好好，最後我哋賣單平均消費都係大概$90到，喺形點來講算係一個性價比高嘅餐廳。下次會想再帶屋企人去試其他嘅餐，因為佢選擇性都好多人同埋有時有季節性限定