影片
更多
2018-06-29
2063 瀏覽
趁放假同屋企人去打邊爐，今次試左元朗牛一，過左Lunch最繁忙時間，唔使等位。同媽咪口味唔夾，所以揀左混合湯底，佢就試期間限定冬蔭湯，我就要芝士豚骨湯，肉就要極上美國牛肉。企左喺reception諗咗好耐，好欣賞reception職員好有耐性咁等我咃，同埋將收費講得好仔細。入到去即刻拎個碗出去裝野食，都幾多配料揀，仲有和牛炒飯同埋咖喱。誠意推介佢地個咖喱汁，好香濃之餘仲有和牛喺入面。雖然有白飯，但我都係鍾意淥完個烏冬再加入去咖喱汁度撈埋一齊食，真係好正。去牛一梗係主要食肉啦，一開始比左4盒肉，有牛有豬，估唔到啲肉配芝士豚骨湯好夾，個湯底有芝士味，但算幾light，唔會話一食就成口都係油同芝士咁肥膩。而媽咪就好鍾意個冬蔭湯，佢話湯底夠味之餘又唔會辣到食唔到，同埋啲牛都幾滑，整體黎講都好滿意。下次可以再試埋澳洲牛，希望個質素都唔錯啦。野飲就有盒裝飲品、罐裝啤酒，另外有部汽水機喺度，touch screen嘅，撳個mon揀野飲，除左有普通嘅可樂、芬達、雪碧之外，連水動樂都有﹗而且仲有唔同口味揀，Tonic water可樂都有，之前都冇見過呢部汽水機，幾新鮮幾好玩。最後食埋雪糕，雖然同場有紫薯
入到去即刻拎個碗出去裝野食，都幾多配料揀，仲有和牛炒飯同埋咖喱。誠意推介佢地個咖喱汁，好香濃之餘仲有和牛喺入面。雖然有白飯，但我都係鍾意淥完個烏冬再加入去咖喱汁度撈埋一齊食，真係好正。
去牛一梗係主要食肉啦，一開始比左4盒肉，有牛有豬，估唔到啲肉配芝士豚骨湯好夾，個湯底有芝士味，但算幾light，唔會話一食就成口都係油同芝士咁肥膩。而媽咪就好鍾意個冬蔭湯，佢話湯底夠味之餘又唔會辣到食唔到，同埋啲牛都幾滑，整體黎講都好滿意。下次可以再試埋澳洲牛，希望個質素都唔錯啦。
野飲就有盒裝飲品、罐裝啤酒，另外有部汽水機喺度，touch screen嘅，撳個mon揀野飲，除左有普通嘅可樂、芬達、雪碧之外，連水動樂都有﹗而且仲有唔同口味揀，Tonic water可樂都有，之前都冇見過呢部汽水機，幾新鮮幾好玩。
最後食埋雪糕，雖然同場有紫薯雪糕同frozen yogurt，但都係揀左雲呢拿味雪糕，再加啲朱古力醬喺上面，食埋甜品成個Lunch就perfect曬。
張貼
