官仔記 (已結業)

突然呀媽話想食雞煲、就諗住近近地試下呢間，見全場我係第二檯，都伏伏地，但試下無防。點左個雞煲、手切肥牛、生菜。個雞煲等左15分鐘，見到廚房即叫即整，味道普通。碟肥牛就係我食咁耐牛未食過咁差，以為食緊牛𦟌，啲筋多到嘔、直頭食唔到！同呀姐講換碟安格斯好過，呀姐咀妙妙！最後都換左。全程兩位呀姐無招呼、一個掛住打機、一個掛住睇電視。埋單好左check下單，茶錢、花生收左幾十唔緊要、換左碟平肥牛仲無改到，提呀姐時仲黑口黑面。下次咪攪！