德國餐廳 (已搬遷) 新店位置

放咗工之後同fd想搵個地方食下嘢吹下水，行行下見到呢間餐廳個樣唔錯又幾吸引咁就入咗去~入到去雖然唔大，但個裝修嘅感覺令人覺得幾relax~第一樣嚟嘅係煙三文魚Caesar salad。我本身就唔係好鍾意三文魚陣味，但因為朋友想食所以都叫咗，喺佢係咁叫我試之下，我食咗一細嚿，(咦，又ok啵!!)冇我唔鍾意嘅三文魚嘅腥味，連埋菜一齊食都幾開胃嘅~(我最後食咗好多嚿哈哈~)嚟到德國餐廳冇理由唔飲酒架!!見到Hoegaarden Rosse嘅樣唔錯就叫咗杯嚟飲下，杯酒聞落有陣陣嘅果香味，飲落都有淡淡甜嘅紅桑子味道，對女仔嚟講係幾容易入口之後就到白豬手上枱喇!!齋食豬手就有少少寡，但係點埋佢個醬就perfect!!個醬有少少似蜜糖芥末醬嘅味道，減少咗豬手嘅油膩感，食多幾嚿都唔會覺得滯嘅!今日我哋唔駛排隊就入得，嘢食就嚟得慢少少，但都有質素，下次想同fd吹下水都會揀番呢間嘅