蛇王海

營業中

休息中

因為舊蛇王二已結業，2020/21呢個冬天，蒞到第三間蛇羹舖。蛇王海有安心嘟，有寫紙仔。蛇王海雖然都近地鐵站，但還是感覺位置吊腳。蛇王海分開蛇羹同蛇湯噉賣，蛇羹就的確唔會稀，脆脆果啲自己落。整體味道都係差唔多，都幾多料，不過食落唔少係啡色一條一條果啲，應該係木耳。相比之下，蛇王良嘅料就比較多肉(好似有雞肉同蛇肉)。由於晚飯時間，都叫咗碗雙腸飯。潤腸臘腸原條切大件上，口感ok。潤腸不及舊蛇王二嘅驚喜味道，但臘腸又好味過舊蛇王二。再次一提蛇王良嘅腸粒太細，食不出評語。