Dodam Chicken (利舞臺廣場)

營業中

休息中

平日星期四去食都排晒隊，果然冇揀錯餐廳！雖然full house，但店員充足，唔會叫極冇人理，而且仲好有禮貌。招牌甜辣芝士無骨烤雞雞肉多汁嫩滑，咬開雞肉煮得岩岩好，粉嫩多汁。驚喜既係佢配菜除左有年糕，仲有芝士獅子狗🥰椰菜紅蘿蔔洋蔥吸晒甜辣汁的精華，連平時唔食菜嘅老公，都清哂成碟。食韓國炸雞緊係唔少得醃蘿蔔啦，食得太膩既時候食返幾粒，你既胃口會即刻返晒嚟，佢有種淡淡既醋香味，唔會太酸，但都令到你口腔回復清新。黑松露卡邦尼炒年糕我本身就唔太鍾意食卡邦尼，但係老公鍾意食，所以就佢叫，點知最後我食得仲多過佢，因為簡直係平時卡邦尼炒年糕的升級版！黑松露+黑椒粒配上卡邦尼，好味到唔識形容，仲食到好上癮，停唔到口。配菜同樣有椰菜紅蘿蔔洋蔥，香港人多數都淨係會食肉唔食菜，但佢咁樣煮會令人將菜類都清埋，非常好！柚子梳打 Yuju Ade一條條柚子果肉連果皮，加上梳打汽水，飲落香甜之餘亦都好有口感，好似飛左去韓國飲咁。因為疫情關係，餐廳仲放左部殺到99.9% Covid-19 的空氣清新機，抵讚！一邊播韓國歌一邊播韓國綜藝節目，加埋韓國店員，冇得去旅行就黎哩度頂住先啦。