蔡瀾越南粉 (已結業)

其實我之前都食過依間蔡瀾越南河粉，覺得都OK，今日同大學同學一齊嚟食午餐。侍應一開頭奉上羅漢果水， 味道甜甜地，我飲咗幾杯，哈哈。叫咗雙拼越南河，配料係生牛肉同埋牛丸。上來嘅時候，先飲一啖湯底，好味呀！而河粉呢就偏硬左少少，但係勝在佢可以免費添架，我見隔離枱嘅叔叔總共加左兩碗，真係唔驚食唔飽，哈哈。同行嘅朋友叫咗佢最愛嘅越南春卷豬頸肉撈檬，佢話幾好食，我哋決定下次再嚟食過。估唔到事隔幾個月再嚟食呢間餐廳，感覺上佢比起以前有稍微嘅進步。而且一價錢都比印象中係平呀，加埋一都只係$75 ，中環來講算係咁。以後都會再嚟食咗幾次。