渡船角海鹽燒 (已結業)

連續落左幾日大雨，有時都想收工即刻返屋企。但係為左食，幾大雨都無損我地既雅興！今次與友人黎到位於佐敦既渡船角海鹽燒。從柯士甸站A出口行大約5分鐘就到了，位置唔難搵。由於我地7點半就到左，所以店內未算多人。但坐左一陣，差不多8點就滿座了，大家最好預先book位呀！店內環境寛敞，枱與枱之間空間充裕，坐得都幾舒適。我同友人都好鐘意食串燒！餐廳有兩個menu,一個係大路既串燒，另一個專係for蠔既fans!我地瘋狂咁點，餐廳主打鹽燒，我地緊係要試下。1. 鹽燒韮菜好彩友人都鐘意食韮菜，我地就試下依度既鹽燒韮菜。燒汁味濃但無蓋過韮菜既味道，岩哂鐘意韮菜味既朋友。2. 鹽燒豬頸肉可能我地擺耐左先食，所以有少少硬，同埋較難分開d肉，都係成串拎上手咬好d!3. 鹽燒迷你蕃薯仔友人堅持要食蕃薯😂好彩細細舊，唔會塞飽左個肚，蕃薯好甜，加上鹽燒既味道剛剛好。4.黑豚龍眼卷第一次試依個配搭，以前淨係食過豚肉配蕃茄，今次依個配龍眼好特別，一咸一甜，同黑豚既味道比想像中夾，好似仲有一款係荔枝，但我地怕燥熱所以揀左龍眼🤤5. 香燒鮮雞腎片雞腎串燒左出黎一點都不硬，爽口得黎仲保持到鮮味，想追加多兩串。6.錫紙䓇油金菇