金記冰室 (已結業)

是日中午落大雨，我同2位同事本身諗住係公司附近餐廳食算但無位，一路行到金記冰室睇睇有無位（竟然有！），就入左去lu～平時唔落雨都好多人黎呢度食嘢，係灣仔做嘢咁耐都未食過😂餐廳風格有點懷舊，卡位附近放左啲懷舊玩具，除左檯面嗰啲menu之外仲有一個用乒乓球拍做嘅餐牌，幾得意👍🏻據聞呢度出名嘅係咖喱牛腩農夫包🍛，我地叫左3個，價錢$89，嘢飲要加$8，等左大概5分鐘就到lu，服務都幾快。用黎裝農夫包嘅碟都幾大，3隻碟都已經差唔多霸晒張枱😂份量都幾足，同事當中有男士都食得飽。個農夫包入面有焗左嘅咖喱牛腩、飯同埋少少芝士，香味十足，咖喱汁有細碟另外上。都幾好食，係個包我覺得稍微乾左啲。下次會試試其他餸😋