Forever 友緣西餐 (已結業)

下雨天總掛念從前，幾個月前食過唔錯， 今日遇著落大雨，又要帶埋家姐仔同細佬仔出黎， 好在隔離就係停車場， perfect。嚟到一見到我帶埋BB車, 侍應姐姐好幫手，移開枱櫈比我擺架BB車入去。餐廳入面幾闊落，沙發櫈舒服，最重要佢唔使我收BB車。👍🏻我哋叫咗兩個lunch set ＋1個小食， 分量唔算話好大，但係原來食落非常飽。首先跟餐有熱騰騰既忌廉薯仔湯配蒜蓉包，雖然話叫左兩個套餐，但佢都俾咗三塊好鬆化既蒜蓉包，連家姐都有份，好細心體貼。之後呢個芝士焗薯皮＄35，脆卜卜既薯皮鋪滿拉絲既芝士， 配埋酸忌廉， 完美👍🏻 日本風情薄餅＄72餅底夠脆薄，餡料放左蟹柳粟米同埋蟹籽。對於熱愛蟹籽既我如果成個Pizza都鋪滿就一流啦。美國安格斯肉眼扒＄128肉質好林，一切就開，雖然配左燒汁， 但我覺得原汁原味仲正，七成熟做得剛剛好唔會話太生。最後餐飲叫左柸飲凍朱古力，將午餐畫上完美嘅句號。