慢煮工業 (已結業)

［環境舒服］經過不少朋友介紹太子尼間慢煮，因之前都有試過分店，所以都有興趣，主要係餐廳位於二樓位置，所以都想試，也有少少期待。見到門面幾靚，晚上燈光效果，裝潢都好工業FEEL。夠特別。於是，週三晚同幾個朋友一齊食晚飯。餐牌紙質，入面選擇都多，而且很合適一班人一齊叫一齊食。有肉類、意粉、薯條、洋蔥圈，也有沙拉、焗西蘭花等，選擇多，迎合不同人的需要。先上薯條，芝士肉醬很豐厚，薯條新鮮炸很脆，配上芝士，熱辣辣很好食。美國頂級黑安格斯肉眼，配上滿滿的蘑菇汁，香口而清爽。肉質因為慢煮，熟而鬆軟，非常易咬。點了一份燒烤併盤BBQ tray，可選擇2款肉類及4款小食，感覺挺豐富的，可以選兩款肉類，四款配菜。豬肋骨燒到有Ｄ黑，但保留著多汁口感，而且肉質不錯，燒得正合我意。粉粉的牛扒，五成熟，賣相吸引而且慢煮而成的燒烤味，很好！點了紐西蘭羊架，沒想到無太大的羊羶味，而且肉質很嫰，值得一試。今餐食得很滋味，而且同一大班朋友仔一齊一邊講一邊食，很愉快。