影片
更多
2019-11-05
42 瀏覽
星期六同呀媽去咗黃大仙行街，行下行下去咗現崇山嗰邊，地面嗰層有幾間食肆有露天位，呢個季節坐出面都幾舒服唔會熱，如果早啲應該會見到獅子山添，但我嚟到已經夠鐘食晚餐🌘。餐廳內外都有唔少位，6點半到開始好爆場，食物中式小菜同西式扒餐意粉都有。呀媽話自己煮餸多，不如食下其他嘢，好！就咁話啦。2.0海陸空雜扒薯菜($138)，有豬扒🐷、牛扒🐮、雞扒🐔各一塊同埋串蝦。3塊扒都好大塊👍，其中我覺得豬扒最好食。薯菜就係炸薯角加雜菜。呢個係是日晚餐包飲品同餐湯。蒜香扒大蝦拌脆皮天使麵($98)，見到炸天使麵咁得意就叫下，原來真係成個麵餅咁炸，好大個一定飽肚。而🍤蝦就有2隻，配上大量蒜蓉好香。另外加咗$25搭配法式焗田螺，有6隻熱辣辣送上，下面就有好多薯蓉，好食，性價比高！餐牌裡的食物可加$10跟餐，餐湯有羅宋湯同甘筍忌廉蜆肉湯，我哋要咗後者，味都唔錯。凍飲+$3，特飲就原價減$10，有唔少選擇啊。總括嚟講，餐廳大眾化，啱街坊一家大細嚟開餐，小菜餐好似幾抵食，扒餐就有平有貴啦，但份量足，味道不錯😄。餐廳名雖然叫茶餐廳，但環境比茶餐廳舒服、乾淨好多👍。店員服務都幾好，扒餐我落哂個汁後，有主動問我哋要唔要多啲
星期六同呀媽去咗黃大仙行街，行下行下去咗現崇山嗰邊，地面嗰層有幾間食肆有露天位，呢個季節坐出面都幾舒服唔會熱，如果早啲應該會見到獅子山添，但我嚟到已經夠鐘食晚餐🌘。
餐廳內外都有唔少位，6點半到開始好爆場，食物中式小菜同西式扒餐意粉都有。呀媽話自己煮餸多，不如食下其他嘢，好！就咁話啦。
2.0海陸空雜扒薯菜($138)，有豬扒🐷、牛扒🐮、雞扒🐔各一塊同埋串蝦。3塊扒都好大塊👍，其中我覺得豬扒最好食。薯菜就係炸薯角加雜菜。呢個係是日晚餐包飲品同餐湯。
蒜香扒大蝦拌脆皮天使麵($98)，見到炸天使麵咁得意就叫下，原來真係成個麵餅咁炸，好大個一定飽肚。而🍤蝦就有2隻，配上大量蒜蓉好香。
另外加咗$25搭配法式焗田螺，有6隻熱辣辣送上，下面就有好多薯蓉，好食，性價比高！
餐牌裡的食物可加$10跟餐，餐湯有羅宋湯同甘筍忌廉蜆肉湯，我哋要咗後者，味都唔錯。凍飲+$3，特飲就原價減$10，有唔少選擇啊。
總括嚟講，餐廳大眾化，啱街坊一家大細嚟開餐，小菜餐好似幾抵食，扒餐就有平有貴啦，但份量足，味道不錯😄。餐廳名雖然叫茶餐廳，但環境比茶餐廳舒服、乾淨好多👍。店員服務都幾好，扒餐我落哂個汁後，有主動問我哋要唔要多啲。如果餐廳有多啲分店，我都會再嚟食。
張貼
