素.喜.館

營業中

休息中

食齋，好多人第一個唸法係味濃、油淋淋，一啲都唔健康。今日我就破舊立新去試一試既健康又清新既西式「素.喜.館」素喜館位于銅鑼灣商廈，地理位置方便，地方舒適，都幾優閑。$88午餐套餐包一款麵食+沙律+餐湯/飲品1杯亞麻籽蘋果沙律賣相精緻，蔬果配上亞麻籽既甜酸汁，清新可口，完全食到原材料本身既味道，又健康又開胃。紅菜頭蘋果汁餐飲我選擇左健康既果汁，入口清甜，味道有啲似黑加里子汁，完全無蔬菜既草青味。黑松露磨菇大利麵陣陣既松露磨菇香味，已經令我迫不急待要試食，雖然只係幾片磨菇，但食落口鹹香味適中，麵條煙靭彈牙，份量一啲都唔少。總括，店員親切有禮，會主動提我地可以走蔥蒜，迎合唔同類型既素食者。雖然食物既種類唔多，味道亦都唔算太突出，但絕對係一餐營養價值極高既午餐。