世華餐廳

營業中

休息中

同同事食晏，去咗世華餐廳。間中我哋都會去既，餐廳套餐，唔算貴！係尖沙咀呢講，食個午餐都要50幾或以上，有 D 仲係要60幾！70幾！！食晏時候，人山人海！食肆唔休做，所以質素麻麻！講返今日個套餐，羅宋湯水準向來飄忽，有時好好味，有時難飲！午餐既星洲炒米，一樣飄忽！無乜咖喱味！鮮茄焗牛舌飯，都一般！不過，最離譜就係叫了一杯餐飲，第一次等20分鐘，原來無落單，再等…第二次足知有啦，加埋飲料要等40分鐘！！？？？完全無管理！！餐廳應該用電子化，又不需要請咁多人手！又有質素。最奇怪就係，午餐時候用兩鐘餐牌，1) 香港人…有套餐(平 d),國內人無套餐，只可以散餐叫！！真離譜呀！雖然，有些國內人都無乜禮貌！令我想起如果我去外國旅行被人不公平對待！我會投訴架！