漁牧 (已結業)

好幾次去尖咀食茶木時都留意到係佢隔離的漁牧。 今次終於有機會去食！ 由於得兩個人去， 不能食曬想試的！ 下次一定要再去食！ 言歸正傳， 呢餐飯令人滿意！ 由於我係海鮮怪， 所以當晚最愛的必定是香辣炒蟹！蟹好鮮甜， 多肉， 又香又辣， 非常惹味！ 除左蟹， 配菜都好好味， 蓮藕片炒得好入味！ 另一道必食既就係燒魚。 今次揀左龍利魚， 仲加左午餐肉， 豆腐等配料。 魚新鮮好味， 好大份， 兩個人食唔曬。 呢晚除左魚蟹外， 小菜也十分好味！ 絕味雙菇， 甜甜地辣辣地， 味道好好！ 食到停唔到！ 仲有個皮蛋都好好味， 皮蛋係流心的！ 另外一定要介紹既就係個corona 特飲！ 巨峰提子味同corona味好㚒！ 好大杯好爽， 岩曬咁熱既天氣飲！總括來講， 呢餐飯食得幾滿意！ 下次有機會要試下烤豬！