甜多1點

營業中

休息中

最近阿媽屋企樓下商場翻新，開咗好多新店舖，住咗咁多年，呢度終於有甜品店lu，唔洗每次返娘家，都喺第二區買返嚟😄✨椰天使3號-小丸子✨孖寶椰椰～兩者都有一個凍冰冰嘅椰凍，即係椰青凍，食落非常清爽無添加，口中慢慢溶化，解渴又低甜健康，非常高質！前者椰凍和糖水係分開，糖水底係淡奶口味，入口幼滑，底下一條條嘅，有啲似龍眼肉，幾有口感。後者有桃膠雪燕配料，相對冇咁甜，啖啖都咁足料，混合一齊食，好味又養生。✨奥爾良烤雞棒～有啲似墨西哥雞卷嘅風味，甜甜地BBQ醬汁滲入雞肉，經過烤焗嘅雞棒，夠晒入味，如果size再大點就好了，會食得更夠喉😄