翠華餐廳 (已結業)

公司附近有間翠華，一直我只係覺得係茶餐廳，撞啱有一晚加班入咗去諗住快食，然後繼續努力。驚喜店員放下餐牌我竟然見到 a la carte, 成件事高級左！韓式芝士炸雞 $38韓式芝士炸雞雖然有啲熱氣但我鍾意，其中一款最令我著迷的就是芝士炸雞，外脆內嫩的炸雞，放入韓式芝士醬拌勻，外面沾上一層溶化了的芝士，金黃色香口惹味！煙三文魚凱撒沙律 $58賣相精緻，煙三文魚入口滿滿的鹹香，羅馬生菜新鮮爽脆，煙肉粒酥香惹味，麵包粒配以醬汁一齊食可以平衡番味道，凱撒沙律食得健康又輕盈。蒜片辣椒欖油大蝦炒扁意粉 $78蒜片爆至金黃色十分吸引，辣椒絲爆得非常香，大蝦煎至兩面金黃很有誠意，大隻而且彈牙，欖油炒扁意粉口感較清爽，香口惹味，很適合最近熱辣辣的天氣，食落很開胃。凍鴛鴦 $23來到翠華我始終喜歡他的招牌飲品，凍鴛鴦 5分奶茶5分咖啡，平衡了兩方的香味。