茶記冰室 (已結業)

今日收工約埋同事一齊食晚飯，在公司附近有間茶記冰室，行過經常人頭湧湧，經常滿座，看到 門口的餐牌價錢好實惠，煲仔菜 同炒小菜，款式頗多，於是和同事異口同聲就揀咗佢，環境格局好親民，我們都很喜歡這種風格，因食起嘢上嚟都好舒適自然。冰鎮咕嚕肉＄88包沙參玉竹湯、白飯一碗、熱飲呢個冰鎮咕嚕肉係佢嘅招牌菜，我都係第一次食這樣的風味，好新穎，外面真係冰凍的，但係卜卜脆，鬆化可口，同我哋平時熱食嘅咕嚕肉不一樣，更加脆口，但內裏是熱騰騰，肉質腍甜多汁，一款菜可以做到有兩種口感，頗有特色，伴菜還有多款新鮮水果，我哋都好鍾意。羊腩煲＄168細煲送唐生菜 另一個菜色羊腩煲，整煲在你面前翻滾着，羊腩炆得極之惹味，羊腩又腍又滑，自家製嘅醬汁，別有一番風味，配菜都好多，大大窩份量真不少，價錢又合理，有時一家大小唔煮飯，在呢度開餐都係一個不錯嘅選擇。