Spring field (已結業)

初頭以為喺一間新開嘅日本餐廳，見到門口menu先知原來喺食越南粉，見menu有和牛粉仲話喺每天限量供應，就試試。入到店內格局好日本拉麵feel，一於試吓個火炙半熟和牛河，仲可免費選擇配料，有芫荽，紫洋蔥同青蔥，咁緊係要哂啦。碗河嚟到加埋d配料，睇落好豐富，不過唔見有生荳芽，原來枱頭放咗兜醃荳芽，少少辣，任落。至於和牛，切得微厚，好有牛味，仲好淋同滑㖭。而個湯就比一般其他越南河濃，勁牛味，再加埋d惹味配料個味超豐富，不過肯定唔係味精湯，因為食完唔太覺口渴。特別想講個粉，好少食到咁彈牙同滑嘅粉，呢個有驚喜，估唔到。本來仲想叫春卷，但碗粉份量都唔少，太飽，下次再嚟食過，反正都想試吓佢哋嘅牛丸。