Home Bar & Restaurant

營業中

休息中

尋尋覓覓底下又搵到一間有豬手嘅餐廳，不過今次有啲唔同嘅係一間餐廳本身係一間酒吧，真係完全估唔到係一間酒吧可以有超水準嘅嘢食。今次同左幾個朋友呢度依間酒吧餐廳度食嘢，我完全冇睇餐牌就揀咗我自己最喜歡嘅豬手。dinner set包括咗餐湯餐包沙律主菜嘢飲甜品，非常之豐富。餐枱係番茄忌廉湯，呢款湯系街外比較少可以飲得到。兩個味道好配合，蕃茄又唔會蓋過忌廉嘅味道，兩種好有層次感，入口嘅時候先有蕃茄嘅味道在滲透忌廉味道。沙律有好多菜而且好多，個醬汁有橄欖油同醋。酸酸的令到可以食多幾條菜，好開胃。豬手廚師非常用心因為送出來的時候豬手已經切好，豬手嘅皮唔會太厚身，而且確係脆卜卜，肉質又好鮮嫩。咬落去啲肉嘅時候，有啲肉汁加上鹹鹹地嘅肉，食落去個味道真係唔錯。餐廳內的環境非常舒服，會播下啲音樂又唔會話太嘈，座位方面有呢D係高同普通嘅餐枱。餐廳內都算有唔同嘅design，例如有啲街道名，好押韻嘅字句等等。