掌門重慶麻辣火鍋 (已結業)

話說上網見到呢間有個青色嘅麻辣湯底感覺上好特別，所以放工同朋友去試試餐廳嘅裝修都幾古式古香，都算寬闊。。。。。。。。。。。。。。。。。麻辣腐皮 (送嘅前菜)▸未點餐就已送上前菜，麻同辣味都幾出，唔太食得辣嘅我地覺得有點辣，但又好惹味，好快就清晒😊。。。。。。。。。。。。。。。。。重慶麻辣翡翠鍋 (小麻小辣)▸同平時食開嘅麻辣湯底好唔同，平時個啲好多紅油辣油，但呢個鍋完全唔同，感覺上清新好多，青bb咁，無咁多油，主要係青辣椒為主，但味道其實同平時食開嘅一樣麻辣，而且裡面仲有鴨血，啲鴨血都算幾滑😊。。。。。。。。。。。。。。。。。極上手切肥牛 (細)▸肥牛厚薄適中，雪花紋唔算特別多，但口感都好好，有點咬口得黎又軟熟，如果牛味再重啲會更正😊。。。。。。。。。。。。。。。。。掌門招牌四寶丸(白魚蛋，牛丸，貢丸，墨丸)▸估唔到質素都幾高，特別係手打墨魚丸，好爽口彈牙，潮洲牛丸嘅牛味都幾香濃同幾有咬口😊。。。。。。。。。。。。。。。。。掌門麻辣炸雞翼▸單骨雞翼食起上黎好方便，麻辣味不算好重同埋偏咸左少少😊