信 (已結業)

平時食Omakase一般都以刺身壽司為主,今晚去咗呢間餐廳真正體會到非一般Omakase料理。呢間餐廳主張無餐牌模式,按當日主廚諗到新菜式即刻做,務求創意無限～同時可以享受Omakase西日料理菜式。幾位主廚好風趣健談,感覺好輕鬆自在。✦先附小品(3品)超好味～北海道粟米脆餅,原來呢個係師傅新製菜式, 粟米加入威化餅內,再注入粟米湯,一啖咬落去粟米嘅香甜加上威化餅嘅脆,口感好豐富～✦烏魚白子水雲沖繩縣嘅水雲口感黏黏稠稠極度綿滑,味道酸酸微微,食嘅時候搣少少花落去一齊食,帶出清新花香。✦生蠔法國生蠔 蛋白泡沫 三文魚子漬 賣相已經滿分 口感非常豐富✦信米卷招牌菜之一,因應主廚當日構思而設計,所以每次食材不一樣,今日嘅主角係鷹嘴鯛～✦刺身鰤魚 鮮赤貝 刺身睇色澤度已經知道係高質😍👍🏻喺呢度食壽司好有特色,壽司飯係粉紅色,師傅研發左3年時間,真係好有心思。師傅話用左一種植物嘅汁加入飯,好有營養,同時可以降血脂通血管,食落口感呢個壽司飯唔會因為醋味濃而搶走魚嘅鮮味。✦壽司五貫蜜柑雕 黑鯥 銀雪魚 中赤身拖羅 右口鮫鰈魚 壽司由一淡一濃而上,味蕾好似坐過山咁～我好鍾意黑鯥壽司 用蘋果木煙燻效果,