W&T Restaurant (洗衣街) (已結業)

要喺旺角上堂，所以之前搵間餐廳食午餐。呢一間Cafe同隔離另外一間Cafe係黐住，揀咗呢間，因為見到餐牌多啲選擇，同埋價錢比較相宜。餐廳外觀裝修唔錯，乾淨企理，仲有少少擺設。我叫咗一個明太子醬意粉，再加煙三文魚，同埋一杯凍Latte。首先講吓個明太子醬意粉，我真係未試過食呢一個質地嘅明太子醬意粉🫠嗰個醬嘅味道本身有啲奇怪，唔喊又唔辣。呢個意粉煮得太淋，所以撈埋個醬，就淋上加淋。仲有追加嘅三文魚，冇諗過得兩小片，真係好細片。最奇怪係個意粉未到，佢就已經俾咗呢兩片三文魚我。唔通諗住我先食咗呢兩片三文魚先？我知道佢唔需要煮嗰兩片三文魚，但係個上菜次序有啲奇怪。另外叫咗一杯凍Latte，跟餐要另外再加錢的，所以我會expect佢大杯少少，起碼正常凍飲size，而唔係用一個熱飲杯。食物味道很一般，又唔係太抵食，所以下次應該唔會幫襯。