影片
更多
2022-01-28
2496 瀏覽
前陣子，同幾位朋友落太子食晏，推介咗呢一間西餐廳，正值午飯尖峰時段，門外都出現短短人龍，若非喺老友推介，應該就會轉場，因為小弟甚少為餐飯嘥時間排隊。其實人龍唔算長嘅，但排咗一陣已知流量慢，始終喺西餐廳，唔喺快餐店或茶記，結果都等上大概廿多分鐘。踏進餐廳內，環境唔大，如大多數嘅西餐廳般，不過，裝修上明顯都花過心思，就好似牆上做咗啲假窗，又有啲仿木嘅牆身，仲掛咗啲跟食物相關嘅畫作，以及一啲小盆栽，都令到整體氣氛輕鬆得多。 始終太子區啲鋪租唔會平，餐廳用盡每吋地方，枱櫈排得密，都可以理解，所以，每張枱棟咗啲膠板，唔太塊，防疫作用都好有限。不過，將啲餐具包起去，就值得一讚，之但喺，叉頭、羹頭向入放，晌防疫上就有意義啲。 午餐精選，就一面餐牌睇晒，A到K共11款，包沙律或餐湯，奉送基本熱飲，而主菜嘅定價由$52-$78，呢一區嚟講都算相宜啦。仲可以加配精選蛋糕，每件$20。羅宋湯配蒜蓉包個湯真喺幾得，一來夠酸香濃郁，二來夠料多，飲完真喺幾醒胃，相反，件蒜蓉包睇落就唔錯，拎上手仲微微暖，可惜，就唔太脆口。燒雞扒田園沙律配日式胡麻醬 $52友人就唔想太多肉，所以，揀咗呢一款田園沙律，沙律菜都算新鮮，
踏進餐廳內，環境唔大，如大多數嘅西餐廳般，不過，裝修上明顯都花過心思，就好似牆上做咗啲假窗，又有啲仿木嘅牆身，仲掛咗啲跟食物相關嘅畫作，以及一啲小盆栽，都令到整體氣氛輕鬆得多。
始終太子區啲鋪租唔會平，餐廳用盡每吋地方，枱櫈排得密，都可以理解，所以，每張枱棟咗啲膠板，唔太塊，防疫作用都好有限。不過，將啲餐具包起去，就值得一讚，之但喺，叉頭、羹頭向入放，晌防疫上就有意義啲。
午餐精選，就一面餐牌睇晒，A到K共11款，包沙律或餐湯，奉送基本熱飲，而主菜嘅定價由$52-$78，呢一區嚟講都算相宜啦。仲可以加配精選蛋糕，每件$20。
羅宋湯配蒜蓉包個湯真喺幾得，一來夠酸香濃郁，二來夠料多，飲完真喺幾醒胃，相反，件蒜蓉包睇落就唔錯，拎上手仲微微暖，可惜，就唔太脆口。
燒雞扒田園沙律配日式胡麻醬 $52友人就唔想太多肉，所以，揀咗呢一款田園沙律，沙律菜都算新鮮，淋上日式胡麻醬，味道OK嘅，而雞扒亦都煎得香口，口感亦算嫩滑，喺油咗少許，份量勉強夠，大食啲嘅男生應該唔夠喇。
馬來咖喱燴牛仔肉飯 $68另一友人一向喺食肉獸，無肉不歡，揀呢一款馬來咖喱燴牛仔肉就毫無懸念，而個飯亦做得似模似樣，咖喱都頗有馬來風，帶少少香辛味，微微辣，至於啲牛仔肉比預期鬆化，唔太韌，份量又夠。
海鮮法式龍蝦汁意大利飯 $68意大利飯一向好睇得出廚師嘅手勢、功力，所以，一睇餐牌就揀定佢。賣相都有板有眼，而海鮮就只不過是青口、蟹柳同啲好細粒嘅魷魚，質素就普普通通咁啦；啲飯亦都麻麻，夠濕潤，但就有啲過腍，無咗意大利飯嗰種獨有嘅咬口感，至於龍蝦汁底，其實少少淡薄，當然，賣價只喺60多，亦不能有太高要求。反而，飯面嘅碎芝士，就做得好「求其」，一嚿嚿撻晌一邊，其實呢個非個別情況，上述嘅沙律都有同樣問題。
即磨咖啡今回就簡單啲，餐飲只揀杯即磨咖啡，店家用嘅豆應該唔差，因為入口非常醇香，而附上嘅鮮奶亦暖過嚟，所以，服務一環都俾高少少分。
雖然喺老友推介，但比預期有少少落差，唔喺話唔好，只喺有預期，就會想喺好啲。假日嘅午市都幾繁忙，所以，招呼就無咁熨貼，但店員都好有禮貌嘅。
張貼
