新哥廚坊

營業中

休息中

來到觀塘，唔想食連鎖店嘅出品，所以就行下行下去左這個商廈，這個商廈有幾間小店，我求其揀咗這間，因為見到有米線😅因為今日唔想食飯。午餐有飯亦都有米線餐，我點咗酸菜滑牛豬腸米線配凍檸茶走甜先上凍檸茶，檸檬2片，茶味係有👌🏻🍋等咗陣唔算耐已經有得食，米線軟硬適中兼且份量唔少，配料有香芹、豆腐泡、大豆芽、荽茜、酸菜、蔥，滑牛和豬腸都好多片，滑牛冇乜牛肉味，豬腸正正常常冇異味，酸菜都係冇乜酸菜味，但係個豬骨湯真係好濃豬骨味，全靠這個豬骨湯底，整碗米線就好好食，不過真係成碗食唔出酸菜湯味，如果當係豬骨湯米線的話就真係比較適合。店面唔算大，店員企向店門推介，入到店都有店員好親切走埋嚟問我想食什麼和介紹一下午餐，枱面整潔，唯獨是油煙比較大，我已經坐近門口離廚房頗遠，都成日一陣油煙味，這個希望店主注意一下。