海南小廚 (已搬遷) 新店位置

小妹周不時都會係新北江覓食，海南小廚係本人食堂之一，連我家大老闆都鐘意過來食。此店有不少街坊幫襯，晚上7點後往往爆場，即使外賣自取都有唔少客，唔想等位就真係要早少少。店內裝修有大陸食店風味，簡約並配以木紋枱櫈，食物價格以香港價來講，相宜。干煸四季豆，今次唔夠炸得唔夠乾身。之前做得比較好，有鹹香辣。手撕包菜，比較淡味，唔夠辣。辣子雞，半隻都好大碟，多肉。口水雞，例牌，普通。水煮牛，中辣，內有薯粉木耳大豆芽，好好好味手撕雞，唔辣嘅，小朋友都岩食重點推介，中辣水煮魚，我地點無骨魚，魚片好滑，薯粉索埋啲湯，超正。呢個商場唔夠冷氣，食到滿頭大汗，爽。